Вазирликдан ишга таклиф

23
Ўзбекистон Республикаси Ахборот технологиялари ва коммуникацияларини ривожлантириш вазирлиги Телекоммуникация инфратузилмасини ривожлантириш бошқармаси бошлиғи ҳамда АКТ соҳасида кадрларни тайёрлаш, қайта тайёрлаш ва малакасини ошириш бўлими бошлиғи лавозимига юқори малакали мутахассисларни ишга таклиф этади.

Юқори малакали мутахассисларга рақобатбардош иш ҳақи, ижтимоий пакет ва ўзини намоён этиши учун барча шароитлар яратиб берилади.

Телекоммуникация инфратузилмасини ривожлантириш бошқармаси бошлиғига лавозимига даъвогарларга қўйиладиган талаблар:

— олий маълумот, АКТ йўналиши бўйича 5 йилдан кам бўлмаган (шундан 3 йили раҳбарлик лавозимидаги) иш стажи;

— АКТ соҳасини яхши билиш ва тушиниш, маъмурий ва корпоратив бошқарув соҳасида тажрибага, ижодий фикрлаш ва масалани ҳал этишга инновацион ёндашиш қобилиятига эга бўлиш;

— Телекоммуникациялар ва ахборот технологиялари соҳасидаги чет эл компаниялари ва халқаро ташкилотларда орттирилган тажриба, шунингдек, хорижий тилларни билиш маъқулланади.

АКТ соҳасида кадрларни тайёрлаш, қайта тайёрлаш ва малакасини ошириш бўлим бошлиғи:

— олий маълумот, таълим/бошқарув/иқтисодиёт/молия соҳаларида 5 йилдан кам бўлмаган (шундан 3 йили раҳбарлик лавозимидаги) иш стажи;

— Хорижий олий таълим муассасаларида орттирилган тажриба, шунингдек, хорижий тилларни билиш маъқулланади.

Бўш иш ўринларига талабгорлар ўзлари ҳақидаги маълумот (объективка)ни ва амалга оширган лойиҳаларни ҳақидаги қўшимча маълумотларни 2017-йилнинг 20-декабригача қуйидаги манзилга юборишлари керак: Тошкент шаҳри, Амир Темур шоҳ кўчаси, 4-уй ёки HR@mitc.uz электрон почтасига. Батафсил маълумотлар учун ушбу телефон рақамларига қўнғироқ қилишингиз мумкин: 238-41-16, 238-41-43, 238-43-12.